निवडश्रेणी

*निवडश्रेणी-*
 चालक/ वाहक दोन निवडश्रेण्या रा.प.सेवेमध्ये मिळतात
१. चालक निवडश्रेणी 'ब'
 २. चालक निवडश्रेणी 'अ'
     ही योजना दि. ०१/०४/१९७७ पासुन अमलात आली.

१. ब) चालकांना निवडश्रेणी ही समयवेतनश्रेणी पासुन १० वर्षांनी किंवा रोजंदार गट क्र.१ पासुन १२ वर्ष झाल्यानंतर अनुज्ञेय आहे.
२. अ) चालकांना निवडश्रेणी ब मिळाल्यानंतर ७ वर्ष सेवा झाल्यानंतर अनुज्ञेय आहे. म्हणजेच समयवेतनश्रेणी पासुन अ निवड श्रेणी मिळविण्यासाठी १७ वर्षाचा कालवधी आवश्यक आहे. तर रोजंदार गट क्र.१ पासुन १९ वर्षाचा कालावधी आवश्यक आहे.

*निवडश्रेणी 'अ' व 'ब' मंजुर करण्यासाठी आवश्यक अटी-*
१. निवडश्रेणी अ व ब ज्या तारखेला पात्र असेल त्या पुर्वीच्या ५ वर्षामध्ये १३०० हजर दिवसाची उपस्थिती आवश्यक. प्रत्येक वर्षात सरासरी २६० दिवस आवश्यक.
२. सदर ५ वर्षात १३०० हजर दिवस पुर्ण करीत नसेल तर त्यापुढे ज्या तारखेस १३०० दिवस पुर्ण होतील तीच तारीख निवडश्रेणी तारीख म्हणुन धरण्यात येते.
३. निवडश्रेणी पात्र तारखे पुर्वीच्या ५ वर्षातील सेवेचा कालावधी *अपघात विरहीत* असेल तर त्याला निवडश्रेणी पात्र तारखेपासुन देता येते. परंतु *सदर ५ वर्षात चालकाच्या हातून गंभीर अथवा मरणांकित अपघात होऊन सदर अपघात अपघातास चालक जबाबदार असेल तर निवडश्रेणी ही पात्र तारखेस न देता अपघात तारखेपासुन पुढे ५ वर्षांनी दिली जाते.* चालक निवडश्रेणी 'ब' ही ही वाहतुक नियंत्रक पदाची तर 'अ' ही सहाय्यक वाहतुक निरिक्षक पदाची देण्यात येते.