ऑनलाईन आरक्षण...त्यातील अडचणी व उपाय

ऑनलाईन आरक्षण...त्यातील अडचणी व उपाय

ऑनलाईन आरक्षण करताना बँक खात्यातून पैसे गेले आहेत परंतु तिकीट आरक्षित झाले नाही , याविषयी माहिती... 
ई - तिकीट तसेच मोबाइलला अँपद्वारे तिकीट आरक्षित करताना पेमेंट - गेटवेमार्फत तिकीटाची रक्कम रा.प. महामंडळाच्या बँक खात्यामध्ये वर्ग झाल्यानंतरच सदरचे तिकीट हे "माय तिकीट " मध्ये दर्शविण्यात येते. परंतु "माय तिकीट " मध्ये सदरचे तिकीट दिसत नसल्यास म्हणजेच तिकीट आरक्षित झालेले नाही परंतु , बँक खात्यातून पैसे गेलेले असल्यास सदरचे ट्रेन्जक्शन हे अयशस्वी (फेल) झाल्याचे समजण्यात येते व या फेल  ट्रेन्जक्शनचा परतावा रिफंड प्रोसेसद्वारे  ट्रेन्जक्शन झाल्याच्या तारखेपासून ७ निव्वळ कामाच्या दिवसांमध्ये बँक खात्यात जमा होतो. सदर   ट्रेन्जक्शन हे डेबिट / क्रेडिट कार्ड  वापरून केलेले असल्यास रिफंड  प्रोसेसद्वारे झाल्याच्या तारखेपासून १४ निव्वळ कामाच्या दिवसांमध्ये बँक खात्यात जमा होतो. तदनंतर जर परतावा जमा झालेला नसेल तर डेबिट / क्रेडिट कार्ड इशू करणाऱ्या बँकेकडे , पेमेंट - गेटवे कडे तसेच महामंडळामार्फत प्रवाशांना मार्गदर्शन करण्यात येते  व  तिकिटाच्या परताव्याबद्दल माहिती देण्यात येते.
     त्याचप्रमाणे ई - तिकीट प्रवाशास रद्द करावयाचे असल्यास "माय तिकीट " मध्ये जाऊन ते रद्द करायची सुविधा प्रवेशास उपलब्ध करून देण्यात आलेली आहे. तसेच बस रद्द झाल्यास आगारामध्ये जाऊन आगार व्यवस्थापका मार्फत  ई - तिकीट रद्द करायची सुविधा उपलब्ध आहे.
     पब्लिक ऑनलाईन रिजर्व्हेशन प्रणालीमध्ये " संपर्क साधा - contact us " या मेनू मध्ये संबंधित  पेमेंट - गेटवे यांचे ई - मेल आयडी व दूरध्वनी क्रमांक तसेच तांत्रिक साहाय्यासाठी टेक्निकल सपोर्टचा ई - मेल व दूरध्वनी क्रमांक ०२२ - २३०५३९९२ , ०२२ - ३९६८१०७४ दर्शविण्यात आलेले आहेत. तसेच तिकीट बुकिंग संबंधी इतर अतांत्रिक माहितीसाठी रा.प. महामंडळाचा टोल फ्री क्रमांक - १८००२२१२५० (Toll  Free ) दर्शविण्यात आलेला आहे.
     तक्रार निवारण करण्यासाठी १०:०० AM  - ०६:३० PM  पर्यंत ०२२ - २३०५३९९२ दूरध्वनी क्रमांकाद्वारे तसेच  ०६:३० PM - १०:०० AM पर्यंत ०२२ - ३९६८१०७४ दूरध्वनी क्रमांकाद्वारे  प्रत्यक्ष प्रवाशांना माहिती देण्यात येऊन मार्गदर्शन करण्यात येत आहे.

तिकिट मशीन ( ETIM ) मधील दिनांक (Date) आणि वेळ (TIME) चुकीची असल्यास कशा पद्धतीने अचुक सेट

🗄🕙🗄🕙🗄🕙🗄🕙🗄🕙🗄

       *तिकिट मशीन ( ETIM ) मधील दिनांक (Date) आणि वेळ (TIME) चुकीची असल्यास कशा पद्धतीने अचुक सेट करता येईल ते बघुया.......*

🗄⏰🗄⏰🗄⏰🗄⏰🗄⏰🗄

          _वाहक आपली नियोजीत  कामगिरी पुर्ण करण्याकरिता   वितरण विभागातुन (इशु) तिकीटाची विक्रीसाठी तिकिट मशीन (ETIM) घेतात.. प्रत्येक वेळेस ETIM मधील वेळ (Time) अचुक आहे अथवा नाही हे बरेचदा न बघता ते मशीन कामगिरी वर नेतात व तिकिट विक्री करिता वापरतात सुद्धा... त्या वेळेस तिकिटांवरील दिनांक व वेळ चुक आहे की बरोबर आहे ऐवढे लक्ष आपण देत नाही.... बसमधील प्रवाशांपैकी एखादा प्रवासी तिकिट बारकाईने बघतो जसे एखाद्याला T. A. Bill ला वगैरे तिकिट जोडायचे असते . ते दिनांक व वेळ बघतात तेव्हा ते आपल्या निदर्शनास आणुन  देतात...._ "साहेब तिकिटावर दिनांक व वेळ कालची  अथवा चुकीची येत आहे..." _त्यावेळेस वाहकाच्या लक्षात येते की आपल्या तिकिट मशीन ची दिनांक व वेळ चुकीची आहे....._

          *मग अशा प्रसंगी वाहकाला त्या तिकिट मशीन ( ETIM ) ची तारिख व वेळ अचुक करायची असेल अथवा बदलायची असेल तर ती काही कृतीतुन बदलविता येते.... ती तारिख व वेळ बदलविण्याची कृती खालीलप्रमाणे.....*

▪ *१) प्रथम ETIM  मशीन power (लाल) बटन दाबुन बंद करावी.*

▪ *२) Power चे लाल बटन दाबुन मशीन चालू करावी व ती पूर्ण चालू व्हायच्या अगोदर व राऊंड मधील PCE नंतर जेव्हा  पेंग्वीन पक्ष्याचे चित्र (कार्टून) दिसेल आणि त्यानंतर बरोबर १५-१६ सेकंद झाल्यावर खालच्या बाजुला  ३ ... डॉट डॉट डॉट.... सुरु होईल तेव्हा लगेच enter बटन दाबावी.*

▪ *३) Enter दाबल्यावर लगेच Enter Password विचारेल तर त्यामध्ये " SMARTPCE " हा password टाकावा, व Enter बटन दाबावे.*

▪ *४) Admin menu मधील १ नंबरचे (Set Date-Time) बटन दाबावे.*

▪ *५) प्रथम दिनांक ( Date ) सेट करावी. Date सेट करतांना  (DD:MM:YYYY)* म्हणजेच 

*उदा.* - २३ सप्टेंबर २०१९.

➡  *DD      :- दिनांक* (23)
➡  *MM.   :- महिना*  (09)
➡  *YYYY  :- वर्ष*    (2019)
     
       *तारिख, महिना व वर्ष टाकतांना प्रत्येक वेळेस enter करावे.*

▪  *६) तसेच Time पण सेट करावा.( HH:MM:SS )*

*उदा.*- १६ वाजुन ५ मिनीटे ४० सेकंद.

➡ *HH - तास मध्ये किती वाजले.* (16)
➡ *MM- मिनीटे किती.* (05)
➡ *SS - सेकंद किती.* (40)

       *तास, मिनीटे, सेकंद टाकतांना प्रत्येक वेळेस Enter करावे.*
     
         _(वेळ Time सेट करतांना *२४ तासांची घड्याळ समजुन* टाईम टाकावा. उदा. दुपारचे ४ वाजले असेल तर ४ न सेट करता १६ सेट करावे.)_

      *अशी कृती केल्यानंतर Date आणि Time सेट होतो, नंतर 0 (Zero) दाबावा.*

        _माझ्या वाहक बंधुंनो आपणास एक  नम्र विनंती आहे या 'दिनांक व वेळ बदलविण्याच्या  कृतीचा 'उपयोग फक्त ETIM मध्ये चुकीची तारिख व वेळ असतांनाच करा इतर प्रसंगी याचा उपयोग करु नये._

✒ *सचिन गिरी (वाहक)*
      *रा.प. यवतमाळ आगार*
      *मो. 9921386644*

ETIM मशीन चा टाईम सेट करण्याकरिता खालील प्रमाणे प्रोसेस करावी

मशीनचा टाइम सेट करण्याकरिता खालील प्रमाणे प्रोसेस करावी
1) मशीन बंद करावी
2) मशीन चालू करावी व ती पूर्ण चालू व्हायच्या अगोदर जेव्हा तो कार्टून येतो आणि 3 ... डॉट डॉट डॉट येते तेव्हा एंटर बटन दाबावी.
3) एंटर दाबल्यावर password विचारते, त्यामध्ये SMARTPCE हा password टाकावा
4) त्यानंतर 1 नंबर सिलेक्ट करावा.
5) नंतर date set करावी. Date set करतेवेळी dd enter mm enter yy enter करावे, तसेच time पण सेट करावा. किती वाजले ते enter मिनिट enter सेकंद enter करावे.
    असे केल्यावर date आणि time सेट होतो नंतर 0 झिरो दबावा.

विद्यार्थी स्मार्ट कार्ड तपासणी

विद्यार्थी स्मार्ट कार्ड तपासणी
सद्या विद्यार्थी स्मार्ट कार्ड वर प्रवास करीत आहेत. परंतु  स्मार्ट कार्ड etim मशीन वर रिड होत नाही म्हणून वाहक विद्यार्थ्या करून पैसे घेऊन तिकीट देत असल्याचा तक्रारी प्राप्त होत आहे. सदरची बाब गंभीर आहे. 
जर विद्यार्थी स्मार्ट कार्ड इंटर रिड होत नसेल तर खालील पर्यायाने

*Y+P+3*

स्मार्ट कार्ड ची तारीख किती आहे आणि चालू आहे का हे व हे वाहक चेक करू  शकतात.
सर्व वाहकांना अश्या प्रकारच्या सूचना देण्यात याव्यात. कोणत्याही प्रकारे विद्यार्थी तक्रार उद्भवणार नाही या बाबत दक्षता घेण्यात यावी.
🙏🏻🙏🏻🙏🏻🙏🏻🙏🏻🙏🏻🙏🏻

When issue is Framed

⚖ *When issue is framed*

   जेव्हा वादी न्यायालयात हजर केली जाते, तेव्हा खटला चालू असतो. त्यानंतर दुसर्‍या पक्षाने लेखी निवेदन दाखल केले. त्यानंतर मुद्दे तयार केले जातात.

 ज्या दिवशी मुद्दे तयार केले जातात त्या दिवसाला “खटल्याची पहिली सुनावणी” असे म्हणतात. खटल्याच्या पहिल्या दिवशी न्यायालयात प्रत्येक पक्षाकडून तो आरोपात कबूल करतो की तो नाकारतो की नाही हे ठरवेल.

 हे पक्षांकडून “खटल्याची पहिली सुनावणी” नंतर वादी आणि लेखी निवेदन वाचल्यानंतर आणि पक्षात तथ्य काय आहे किंवा कायदा मांडण्यात आला आहे याची माहिती घेतल्यानंतर कोर्टाची चौकट जारी करते. कोणत्याही परिस्थितीत योग्य निर्णय महत्त्वपूर्ण ठरविलेल्या मुद्द्यांच्या शुद्धतेवर अवलंबून असतो.

 खटल्याच्या पहिल्या सुनावणीमध्ये प्रतिवादी  नसल्यास, प्रकरणांची मांडणी करण्याची आवश्यकता नाही. खटल्यातील अतिशयोक्ती टाळण्यासाठी मुद्दे तयार केले जातात आणि पक्षांना पुरावे देण्यासाठी त्यांना कोणत्या मुद्द्यांची आवश्यकता आहे हे समजण्यास सक्षम केले जाते. *लेखी निवेदनात नकार* दिला गेलेला बदल *कबूल* केल्याप्रमाणे घेतला जातो.

 कोर्टाने सर्व बाबींवर निकाल द्यावा. हे कोणत्याही समस्येकडे दुर्लक्ष करू शकत नाही. कोर्टाच्या कार्यक्षेत्र आणि कोणत्याही कायद्याद्वारे दाव्यासंदर्भातील मुद्द्यांबाबतचे प्रकरण कार्यवाही सुरू झाल्यावर प्रथम विचारात घ्यावे.

 🔨 कोर्टाद्वारे पुढील स्त्रोतांकडून हे *मुद्दे मांडले जातील:-*

 🔨 शपथेवर पक्ष किंवा त्यांच्या वतीने आरोप

🔨 याचिका / चौकशीमध्ये केलेले आरोप

🔨 दोन्ही पक्षांनी तयार केलेल्या कागदपत्रांची सामग्री.

 अन्यथा शक्य नसल्यास मुद्दे मांडण्यापूर्वी न्यायालयासमोर यापूर्वी आणलेले साक्षीदार किंवा कागदपत्रे तपासू शकतात. त्यांना कोर्टासमोर आणण्यासाठी सात दिवस तहकूब करणे शक्य आहे.

 न्यायाच्या हितासाठी असे बदल करणे आवश्यक असल्यास कोर्टाचे हुकूम मंजूर करण्यापूर्वी कोणत्याही वेळी मुद्दे सुधारीत, जोडू किंवा हटवू शकतात.

 पक्षांसमोर कोर्टासमोर कोणत्याही प्रकरणाबाबत तोडगा काढण्यास तयार होण्यास तयार असल्यास त्यांनी त्यास मुद्द्याच्या स्वरूपात फ्रेम करावा आणि मग करार करावा. अशा प्रकारे झालेला करार पुढील स्वरूपात असू शकतोः *“पहिला पक्ष दुसर्‍या पक्षाला मान्य केलेल्या रकमेची रक्कम देईल (रक्कम निर्दिष्ट करेल) आणि दुसरा पक्ष विचारात असलेली मालमत्ता देईल (येथे तपशील द्या) इतर पक्ष ”.*

 जर पक्षांनी कराराची अंमलबजावणी केल्याबद्दल कोर्टाचे समाधान असेल तर पक्षांनी वरील प्रश्नावर सहमती दर्शविली आणि त्या मुद्दय़ावर निर्णय घेण्यास व त्यासंदर्भात निर्णय घेण्यास पुरेसे तंदुरुस्त असेल तर तो हा मुद्दा पुढे करून पुढे येईल. *निर्णयासह.*

 *वादाच्या* बाजूने हा मुद्दा ठरविल्यास त्यास *दिलासा* मिळेल. *प्रतिवादीच्या* बाजूने निर्णय घेतल्यास तो दाव्याविरूद्ध *वैध संरक्षण* ठरेल.

✍ *_संकलन-नितिन बागले_*

औद्योगिक संबंध कायदे

औद्योगिक संबंध कायदे

ज्येष्ठ नागरिक स्मार्ट कार्ड वाहकाने कसे वापरावे

जेष्ठ नागरिक स्मार्ट कार्ड वाहकाने कसे वापरावे 👇🏽

वाहन परीक्षक या पदाची कर्तव्य व जबाबदारी

🚌  ➤  ➤ *वाहन परिक्षक या पदाची कर्तव्य व जबाबदार्या* ➤  ➤

   वाहन परिक्षक यांची कामे तीन प्रकारे विभागली गेली आहेत.
*१.मध्यवर्ती कार्यशाळा २. विभागिय कार्यशाळा व ३. आगार कार्यशाळा.*

❇ *१. मध्यवर्ती कार्यशाळा-*
 ★ मध्यवर्ती कार्यशाळेत वाहन आल्यानंतर लॉग बुक, टी.एफ., गाडीचे हत्यारे व गाडीची बॉडी कंडिशन पाहून गाडी जमा करणे.
★चॅसिस उत्पादकाकडुन आलेली नविन अथवा विभागाकडुन पुन:स्थितीकरणासाठी आलेली चॅसिस आल्यानंतर सर्व ॲसेंब्लिचे पार्ट नंबर घेऊन नोंदी करणे तसेच वाहना सोबत जे ईतर पार्ट्स उदा. बल्ब रिफ्लेक्टर, बेल्ट वायफर, टुल्स, इ.वस्तु मोजुन घेणे व त्याची नोंद ठेवणे.
 ★ चॅसिस आल्यानंतर चॅसिस नंबर ची नोंद करणे व इंस्पेक्शन करुन चॅसिस व्यवस्थित असल्याची तपासणी करुन नोंदी करणे. जर एखादी चॅसिस डॅमेज असेल किंवा स्पेअर पार्ट्स कमी असतील तर ते निदर्शनात आणून देणे.
 ★ स्पेअर पार्ट्स प्रमाणे चॅसिस उत्पादनासाठी देणे.
 ★नवीन वाहनाची बॉडी पुर्ण बांधणी पुर्ण झाल्यावर तपासणी करुन वाहतुक निरिक्षकाचे मदतीने रा.प.वाहन आर.टी.ओ. पासिंगसाठी सादर करणे.
★नवीन/पुन:स्थितीकरणासाठीच्या  चॅसिसवर बॉडी बांधणी पुर्ण झाल्यावर संपुर्ण तपासणी करणे सर्व लाईट्स व उपकरणे चालु असल्याची तसेच गाडी गळत नसल्याची खात्री करणे. गाडी सोबत लॉगबुक, हत्यारे व स्पेअर्स दिल्याबाबतची नोंद ठेवणे व त्यावर चालकाची सर्व सामान मिळाले बाबत सही घेणे.
★नवीन/पुन:स्थितीकरण झालेले वाहन कोणत्या विभागास/आगारास दिली आहे याची नोंद ठेवणे, तसेच लॉगबुक सोबत वैध्यता प्रमाणपत्र (F.C.), असेंब्ली/बॅटरी, टायर कार्ड देणे.
 ★कार्यशाळा व्यवस्थापक यांनी वेळोवेळी दिलेली कामे पार पाडणे.

❇ *२. विभागिय कार्यशाळा-*

★विभागिय कार्यशाळेत जमा होणारी व बाहेर जाणारी वाहनांची तपासणी करुनच वाहने जमा करणे अथवा देणे.
★ विभागिय कार्यशाळेत डॉकिंग/आर.टी.ओ./आरसी/अवजड दुरुस्ती/अपघात/इंजिन बदली इ. कामासाठी आलेली वाहने अधिकारी/पर्यवेक्षक यांच्या सुचनेनुसार नियोजित जागी कामासाठी लावणे.
★ RTO पासिंग तयार झालेली वाहने प्रादेशिक परिवहन अधिकारी यांच्याकडे सादर करण्यापुर्वी तपासुन योग्य असल्याची खात्री झाल्यानंतर वाहनाचे F.C./ PUC इ.कागदपत्रे  सोबत घेऊन RTO पुढे सादर करणे.
★ प्रादेशिक परिवहन अधिकारी यांचेकडुन वाहनाची तपासणी करुन झाल्यानंतर वाहनाचे नुतनीकरण केलेले वैध्यता प्रमाणपत्र (FC) परिवहन कार्यालयाकडुन हस्तगत करुन दप्तरी ठेवणे.
★ विभागिय कार्यशाळेत संपुर्ण कामे करुन तयार झालेली वाहने लॉगबुक सह संबंधीत आगारांना देणे.
★ यंत्र अभियंता(चालन), उप यंत्र अभियंता, सहाय्यक यंत्र अभियंता यांनी वेळोवेळी दिलेली कामे पार पाडणे.

❇ *३. आगार कार्यशाळा-*

  ★ विहित नमुन्यातील वाहन परिक्षकाच्या नोंदवहीमध्ये वाहन क्रमांक, रोजनामा क्रमांक, चालक क्रमांक, जाण्याची नियोजित वेळ, उशिरा जाण्याचे कारण, गाडीतील हत्यारे, चालकाची हत्यारे, स्पीड लॉक, स्पेअर व्हिल, ताडपत्री, वायपर, फॅन बेल्ट, अग्नीशमन उपकरण, प्रथमोपचार पेटी व त्यामधील औषधांची किट, इ. बाबींची वाहन चालकाच्या ताब्यात देतांना व चालकाच्या ताब्यातून स्वत:च्या ताब्यात घेतांना तपासणी करुन नोंदी करणे, चालकाची स्वाक्षरी घेणे व स्वत:ची स्वाक्षरी करणे.

★वाहन चालकाच्या ताब्यात देतांना व चालकाच्या ताब्यातुन स्वत:च्या ताब्यात घेतांना, स्वत:तपासुन वाहन सुस्थितीत असल्याची खात्री करुन ताब्यात देणे व ताब्यात घेणे. वाहन ताब्यात घेतांना वाहन रोजनाम्याच्या "वाहना संबंधी दोषांबाबत चालकाचे प्रतिवृत्त व कार्यशाळेतील नोंद" या तपशिलामध्ये वाहन परिक्षकाला आढळलेले दोष, वाहनाची हानी/नुकसान व हरवलेल्या बाबींसंबधी नोंद या रकान्यात आवश्यक त्या नोंदी करणे. वाहन रोजनाम्यामधील वाहन परिक्षकाशी संबंधीत सर्व बाबींची नोंद ठरवुन दिलेल्या ठिकाणी करणे.
★ चालकाकडून वाहन ताब्यात घेताना वाहनाच्या झालेल्या नुकसानीबाबत उदाहरणार्थ- टायर डॅमेज, बॉडी डॅमेज, स्प्रिंग तुटणे, सर्व प्रकारच्या काचा व इतर बाबी वाहन परीक्षकाकडील डॅमेज रजिस्टरवर नोंदी करणे. चालकाचा जवाब घेणे व नुकसानीबाबत आपला अहवाल स.का.अ. यांना सादर करणे.
★ लॉगशीट कंट्रोल रजिस्टरवर रकाना क्र.१ ते ९ मध्ये योग्य त्या नोंदी करून लॉगशीट चालकाच्या ताब्यात देणे.
★ व्हेईकल टुल्स भांडार शाखेतुन प्राप्त झाल्यानंतर त्याची स्वतंत्र *'व्हेईकल्स टुल्स रजिस्टर'* वर नोंदी घेणे व नियमितपणे त्याचा ताळमेळ तपासणे.
★ विभागिय कार्यशाळा व मध्यवर्ती कार्यशाळेत वाहन पाठवितांना किंवा तेथुन  आलेले वाहन आगारात जमा करतांना वाहनास फिट असलेल्या टायर्सचे क्रमांक स्पेअर टायरसह, सर्व असेंब्लीजचे क्रमांक, बॉडी/ सीट / काचा ईत्यादीबाबत तपासणी करुन त्यांचे क्रमांक किंवा इतर बाबींची स्वतंत्र रजिस्टरवर नोंद घेणे.
★ नियतावर वाहने देण्यापुर्वी सदरचे वाहन स्वच्छ करुन घेतल्याची खात्री करणे.
★ वाहन परिक्षकाची दैनिक व दशक देखभालीकरिता उपलब्ध करुन देणे. सर्व प्रकारच्या नियतकालीक देखभाल कार्यक्रमाकरिता उदा. डेपो डॉकींग, विभागिय कार्यशाळेचे डॉकींग, आरटीओ पासिंग, रिकंडीशनींग इ. वाहने नियोजनाप्रमाणे पाठविणे.
★ आवश्यकतेनुसार वाहनांची आगारात किंवा आगाराबाहेर ऑनटेस्ट करणे व वाहनांतील दोषांसंबंधी योग्य ती कारणमिमांसा पाळीप्रमुख यांस अवगत करणे. निकड भासेल तेंव्हा किंवा अपवादात्मक परिस्थितीमध्ये मार्गस्थ बिघाड झालेल्या वाहनांस पर्यायी वाहन पोहचविणे व बिघाड आगारात घेऊन येणे.
★ ठरवून दिलेली वाहनेच(fixed vehicles) नियताकरिता जातील याची दक्षता घेणे त्यामध्ये सबळ कारणांशिवाय बदल करु नये.
★ चालकाने रोजनाम्यावर वाहनासंबंधी दिलेला शेरा तपासुन् स्वत:चा अभिप्राय देणे.
★ आगार व्यवस्थापक यांनी वेळोवेळी दिलेली कामे पार पाडणे.
   
     वाहन परिक्षकाची सर्व कामे दि.३१/०८/२०१७ संदर्भ क्र.राप/यंअ/देखभाल/२१०२ या परिपत्रकात अधिकृतपणे नमुद आहेत.

 ✍ *माहिती संकलन- नितिन बागले QRT सदस्य चोपडा आगार*

एसटी कंडक्टरची भयान वास्तविकता

एसटी कंडक्टरची भयान वास्तविकता....

महिला कायदे

⚖ _*प्रत्येक महिलेला ‘हे’ सहा कायदे माहिती असायलाच हवेत*_

INFOCITY | *Women's Days Special*

📍 भारतीय संविधानाने व संसदेने देशातील प्रत्येक महिलांना सबल आणि सशक्त बनवण्यासाठी काही कायदे बनवलेले आहेत. दुर्दैवाने, या कायद्यांची माहिती प्रत्येक महिलेला असतेच असे नाही. कुटुंब न्यायालय तसंच उच्च न्यायालयात महिलांशी संबंधित अनेक खटले यशस्वीपणे लढणाऱ्या ख्यातनाम वकिल अॅड. इशिका तोलानी यांनी अशा सहा प्रमुख कायद्यांची माहिती दिली आहे.

▪ मोफत कायदेशीर मदत मिळण्याचा हक्क
कोणत्याही कारणावरून तक्रार दाखल करण्यासाठी एखादी महिला पोलीस स्टेशनमध्ये वकिलाशिवाय गेली तर, एकतर तिच्याकडे दुर्लक्ष केले जाते किंवा तिचा जबाब चुकीचा नोंदवला जातो. प्रत्येक महिलेला हे माहितीच असलं पाहिजे की, मोफत कायदेशीर मदत म्हणजेच कायदेशीर सल्लागार (वकिल) मिळवण्याचा तिला अधिकार आहे आणि पोलीस स्टेशनमध्ये गेल्यावर तिने अशी मागणी करायलाच हवी.

▪ पुरुषाइतकंच वेतन मिळण्याचा हक्क
समान वेतन कायदा, १९७६च्या कलम चार नुसार, एकसमान काम करणाऱ्या स्त्री आणि पुरुषांना समान वेतन मिळायला हवे. एकसमान कामासाठी स्त्री किंवा पुरुषांची नोकरभरती करताना कोणत्याही कंपनीला वा मालकाला पुरुषाच्या तुलनेत स्त्रीला कमी वेतन देण्याचा भेदभाव करता येणार नाही. त्यामुळे प्रत्येक स्त्रीला पुरुषा इतकंच समान वेतन मिळण्याचा हक्क आहे.

▪ लैंगिक छळाविरूद्धचा कायदा
लैंगिक छळ (प्रतिबंधक) कायदा २००३च्या अनुसार, दहापेक्षा अधिक कर्मचारी असलेल्या आस्थापनेत किंवा कंपनीत ‘अंतर्गत तक्रार समिती’ स्थापन करणे बंधनकारक आहे. महिला कर्मचाऱ्यांची लैंगिक छळाची तक्रार दाखल करुन घेणे, त्या तक्रारींची चौकशी करणे हे या अंतर्गत तक्रार समितीचे प्रमुख कार्य आहे. कामाच्या ठिकाणी महिलांचा लैंगिक छळ होऊ न देणे ही त्या त्या आस्थापनेची जबाबदारी आहे. या कायद्याचं पालन न करणाऱ्या आस्थापनेला वा कंपनीला ५० हजार ते एक लाख रुपयांपर्यंतचा आर्थिक दंड ठोठावला जाऊ शकतो किंवा अगदी त्या आस्थापनेचं वा कंपनीचं लायसन्ससुद्धा रद्द होऊ शकतं.

▪ फक्त महिला पोलीस कर्मचारीच महिलेला अटक करु शकतात
फौजदारी प्रक्रिया संहितेच्या (कोड ऑफ क्रिमिनल प्रोसिजर) कलम ४६(१) अनुसार, कोणत्याही महिलेला पुरुष पोलीस अधिकारी अटक करु शकत नाही. एखाद्या महिलेला कोणत्याही कारणास्तव अटक करायची असेल तर महिला पोलीस अधिकारी वा कर्मचारीच ते करू शकतात.
कोड ऑफ क्रिमिनल प्रोसिजरच्या कलम ४६(४)अनुसार, कोणत्याही महिलेला सूर्यास्तानंतर आणि सूर्योदयापूर्वी अटक करता येत नाही. अपवादा‍त्मक स्थितीत एखाद्या महिलेला अटक करावीच लागणार असेल तर, महिला पोलीस अधिकाऱ्याने त्याचा अहवाल बनवून प्रथम दर्जाच्या न्यायालयीन दंडाधिकाऱ्याकडून संबंधित पूर्वपरवानगी घेणे बंधनकारक आहे.

▪ पालकांच्या संपत्तीत भावाइतकाच वाटा
हिंदू वारसा (सुधारित) कायदा २००५ अनुसार, मुलाप्रमाणे मुलीलाही तिच्या पालकांच्या संपत्तीत वाटा मिळण्याचा अधिकार आहे. पालकांनी जर मृत्यूपत्र केलेलं नसेल तर त्यांच्या संपत्तीत मुलाचा आणि मुलीचा वाटा समसमान असेल. तसंच मुलीचा जर घटस्फोट झाला किंवा ती विधवा झाली तर पालकांच्या घरात आश्रय घेण्याचाही तिला अधिकार आहे.

▪ लैंगिक छळाच्या प्रकरणांमध्ये स्वत:ची ओळख गुप्त ठेवण्याचा अधिकार
लैंगिक छळ कायदाच्या कलम १६ अनुसार, ज्या महिलेचा लैंगिक छळ झाला आहे अशा पीडित महिलेला तिच्या नावाबाबत गुप्तता बाळगण्याचा अधिकार आहे. अशा महिलेची ओळख, नाव, पत्ता सार्वजनिक करण्यास किंवा प्रसारमाध्यमांनाही देण्यास मनाई आहे

ETIM मशीन मधील फंक्शन चा उपयोग कधी व कसा करायचा?

🚌🗄🚌🗄🚌🗄🚌🗄🚌🗄🚌

_*तिकिट मशीन  (ETIM)  मधील  Function चा उपयोग कसा व कधी करायचा.. याबाबत थोडक्यात माहिती....*_

✒✒✒✒✒✒✒✒✒✒✒

      _आपल्याला वाहकाची कामगिरी करत असतांना बऱ्याच प्रकारच्या सवलतीचे प्रवासी मिळतात त्यानुसार नेमका कोणत्या सवलतीला कोणते *conc. बटन (T)* वापरावे हे मागिल पोष्ट मध्ये बघितले.._
     
         _आता आपण ETIM तिकिट मशीन मधील *FUNCTION  (Y) बटन* वर येणाऱ्या Function चा कसा व कुठे उपयोग होतो माहिती घेऊया..._

➡  *Y - D   (PAYMENT)*

  ◼   *1.  Toll gate :* मार्गावर कामगिरी करत असतांना कधी कधी रा.प. रक्कम मधले पैसे देऊन टोल टॅक्स भरावा लागतो. तर त्या टोल टॅक्स पोटी भरलेली रक्कम या function मध्ये नोंद करुन मुळ रकमेतून टोल टॅक्स ची रक्कम वजा करता येते.

▪कृती :-   *Y + D + 1 + टोल टॅक्स पावती नंबर + Enter + टॅक्स पावतीची रक्कम + Enter*

◼ *2. Online Expense :*

    @   1 Accident : मार्गावर कामगिरी करत असताना एखाद्या वेळेस आपल्या रा.प. बसमध्ये बिघाड होते अथवा पंचर होतो.. अशाप्रसंगी बिघाड दुरुस्त करण्याकरिता एखादी वस्तु आगारामध्ये उपलब्ध नसल्यास बाहेर मार्केट विकत आणावी लागते..
         तसेच मार्गावर बस पंचर झाल्यास वेळप्रसंगी बाहेर खाजगी कारागिराकडुन पंचर काढुन घेतो.. ई. वेळी वस्तू विकत  घेतल्यास तसेच पंचर दुरुस्ती केल्यास येणारा खर्चाचे बील आपण रा.प. रकमेतून देतो..तर अशा बीलांची नोंद (Entry) या Function मध्ये होते.

▪कृती :- *Y + D + 1 + पावती नंबर + Enter + रक्कम + Enter*

  @  2. DISEL : या Function चे काम आपल्या पडत नाही कारण आपण बाहेरून डिझेल विकत घेत नाही.

➡  *Y - E   (Night out Entry)*

       :स्वआगार सोडुन आपण मुक्कामी कामगिरी करिता इतर आगारात मुक्काम करत असतो तेव्हा दिवसभरातील तिकिट विक्री ची रक्कम सुरक्षिततेच्या दृष्टीने मुक्कामी आगाराच्या 'रोकड (cash) विभागात' रक्कम जमा करतो व बदल्यात संबंधित लिपिकाकडुन आपल्याला पैसे भरल्याची १२ ब पावती दिल्या जाते आणि आपण कामगिरी संपल्यावर दुसऱ्या दिवसाची तिकिट विक्री रक्कम व पावती सह आपल्या आगारात हिशोब देतो.
  तर याच १२ ब च्या पावतीच्या रकमेची नोंद (Entry) या Function मध्ये होते.

▪कृती :- *Y + E + पावती नंबर + रक्कम रुपये + Enter.*

➡  *Y - F  (Police warrant)*

    आपल्या रा.प. बस मध्ये पोलिस कर्मचारी काही शासकीय कामानिमित्त तसेच कैद्यांना न्यायालयात हजर करणे , मेडिकल ई. करिता रा.प. बस चा उपयोग करत असतात अशावेळी प्रवासाकरिता त्यांना त्यांच्या कार्यालयातुन वारंट दिला जातो तर याबाबतची तिकिट काढण्याकरिता या Function चा उपयोग होतो.
     _(इतर तिकिट प्रमाणेच रक्कमेचे तिकिट बाहेर निघते परंतु तिकिट मशीन मध्ये ती तिकिट रक्कम जमा होत नाही.)_

▪कृती :- *Y + F + Doc no.* (म्हणजे वारंट वरील वरच्या बाजूला असलेला ६-७ आकडी अनुक्रमांक) *+ Enter + प्रवासी संख्या + Enter +* प्रवास समाप्त होणाऱ्या ठिकाणचा *स्टेज नंबर + Enter.*

➡  *Y - H  ( Refund Ticket )*

   मार्गावर कामगिरी करत असतांना मार्गस्त बिघाड, नैसर्गिक आपत्ती जसे पुर, रोडवर झाडे पडणे, पुल खचणे ई. मुळे बस समोर जाऊ शकत नसेल अशा प्रसंगी पुढे प्रवास करणाऱ्यांचा प्रवास पुर्ण झालेला नसतो तर अशा प्रवाशांना प्रवास झालेल्या अंतरा व्यतिरिक्त उर्वरित प्रवासाचे भाडे परत द्यावयाच्या वेळेस या *REFUND TICKET* Function चा उपयोग होतो. त्यासाठी प्रथम महत्त्वपूर्ण गोष्टींची माहिती असणे आवश्यक आहे ते खालिल प्रमाणे...

*१.* तिकिट Refund पुढील मार्ग सुरु होणार नाही याची खात्री करुन घ्यावी.
*२.* Refund देतांना संबंधित प्रवाशांच्या तिकिट व Refund तिकिट आपल्या ताब्यात घ्याव्यात. कारण त्याप्रमाNगारात जमा करायच्या असतात.
*३.* Refund देणाऱ्या प्रवाशांचे नाव,पत्ता, मोबाईल नंबर, परत दिलेली रक्कम लिहुन घ्यावे.
*४.* ETIM मधुन Refund देताना जवळील टप्पा (Stage) निवडावा.

▪कृती :- *Y + H + 1. DIESEL + Enter + ज्या तिकिट चा  refund द्यायचा असेल तो तिकिट नंबर+ Enter + आधीची तिकिट आपल्याला दिसेल + Enter.*

⭕ *महत्वाचे : १.* _ग्रुप तिकिट चे Refund देताना सर्वप्रथम ज्या तिकिटांची नोंद करतो त्याचेच Refund होते त्यानंतरच्या तिकिट चे Refund निघत नाही.._
  *२.* _तसेच फेरी सुटण्याच्या बसस्थानकातुन बस निघाली आणि काही अंतरावर वरिल घटना घडल्या व मार्ग बंद झाला  तर फेरी सुरवात झालेल्या टप्प्यावरुन Refund देता येत नाही.. Refund करीता पहिला थांबा ETIM वर आणल्यानंतरच Refund देता येतो..._

➡  *Y - I   (EXTRA TICKET)*

  एखाद्या प्रसंगी कमी किंमतीची तिकिट प्रवाशाला गेली अथवा भाडे वाढ झाल्यावर तिकिट मशीनमध्ये वाढीव तिकिट दर आले नाही. अथवा नियमित मार्गात बदल झाला तर अधिकच्या प्रवास भाड्याची तिकिट काढण्याकरिता या *EXTRA TICKET* Function चा वापर केला जातो.

▪कृती. :- *Y + I + N* (फुल तिकिट असल्यास) किंवा *Y* (हाफ तिकिट असल्यास) *+ तिकिट रक्कम रुपये मध्ये + Enter.*

➡  *Y - K  (LANGUAGE SELECTION)*

   आपल्या तिकिट मशीन (ETIM) ची भाषा बदलवायची असेल तर या Function चा वापर करतात..आपल्या तिकिट मशीनमध्ये मराठी व इंग्रजी दोन प्रकारच्या भाषा आहे.

▪कृती : *Y + K + 1 (इंग्रजी करिता) किंवा 2 (मराठी करिता).*

➡  *Y - L  (LCD CONTRAST)*

        आपल्या तिकिट मशीन (ETIM) चा ब्राईटनेस कमी अधिक करण्याकरिता या Function चा उपयोग होतो. आपल्या तिकिट मशीन ची बॅटरी 🔋 अधिक टिकावी म्हणुन बरेच वाहक याचा उपयोग करतात.

▪कृती :- *Y + L + B (ब्राईटनेस वाढवायला किंवा C (ब्राईटनेस कमी करायला) + Enter*
(B - C बाबत दुरुस्ती शक्य)

➡  *Y- M  (VIEW TICKET)*

   तिकिट बुकिंग करत असतांना कधी कधी ETIM बिघाडामुळे तिकिट बाहेर येत नाही अथवा प्रिंट येत नाही अशावेळी आपल्याला Entry झालेल्या तिकिटचा नंबर या Function मध्ये बघता येते. तसेच कोणत्याही नंबरची तिकिट आपण यामध्ये बघु शकतो.

▪कृती :- *Y + M + तिकिट नंबर + Enter.*

➡  *Y - O (RESERVATION CHART)*

      लांब पल्लाच्या फेऱ्यावर प्रवास करणाऱ्या प्रवाशांकडुन आधीच आपले तिकिट निश्चित करण्याकरिता आगाऊ आरक्षण  करण्यात येते. याच आरक्षणाची यादी वाहकाला फेरी सुरु होताना या Function चा उपयोग करुन तिकिट मशीन मधुन काढता येते.

▪कृती :- *Y + O + 1* Print chart.

➡ *Y - P (SMART CARD DETAILS)*

    आपल्या रा.प. मधील सवलती करिता वेगवेगळ्या प्रकारचे स्मार्टFTTTकार्ड येण्यात आहे. तर या स्मार्ट कार्ड मधील माहिती मिळविण्याकरिता या Function चा उपयोग केला जातो.

▪कृती :- Smart card तिकिट मशीनच्या मागील बाजूस लावावे नंतर *Y + P*

➡  *Y - R  (UNPAID AMOUNT TICKET)*

      वाहकांची कामगिरी करत असतांना तिकिट विक्री करतांना कधी कधी सुट्या पैशांची अडचण निर्माण होते व प्रवाशांना आपण सुटे अभावी पुर्ण पैसे परत देऊ शकत नाही. अशावेळी या Function चा उपयोग करुन परताव्याच्या रकमेची तिकिट आपण प्रवाशाला देऊ शकतो व ते तिकिट संबंधित आगारात दाखऊन प्रवासी परताव्याची रक्कम परत मिळऊ शकतो.

▪कृती :- *Y + R + ज्या तिकिटातील रक्कम शिल्लक आहे त्या तिकिट चा नंबर + Enter + परतावा करावयाची रक्कम रुपये + Enter*.

➡  *Y - S   (DIFFERENCE TICKET)*

      निमआराम बसमध्ये वाहकाची कामगिरी करत असतांना वेळेअभावी अथवा साधी बस उपलब्ध नसल्यास साधी गाडीची पास चे प्रवासी फरकाची रक्कम देऊन निमआराम बस मध्ये प्रवास करु इच्छितात अशाप्रसंगी या Function चा उपयोग करुन फरकाच्या रकमेची तिकिट देता येते.

▪ कृती :- *Y + S + प्रवास अंतराचे साधारण बसचे तिकीट भाडे* (प्रवासी संख्येनुसार वाढ करुन नोंदविणे) *+ Enter + प्रवाशी संख्या* (सोबत हाफ तिकिट असल्यास D बटन दाबून हाफ प्रवाशांची नोंद करावी) *+ स्टेज नंबर* (प्रवाशी उतरणाऱ्या थांब्याचा) *+ Enter.*

⭕ *महत्वाचे : १.* फरकाची तिकिट काढत असतांना साधारण बसचे तिकीट दर माहिती असणे अति आवश्यक आहे.
*२.* फरकाची तिकिट फक्त खाजगी पास म्हणजे १ व ३ महिन्याच्या खाजगी पासवरच देता येते.
*३.* तसेच रा.प. कर्मचारी फॅमिली पास वर फरकाची तिकिट देऊन निमआराम बसमध्ये प्रवास करता येतो.
*४.* _विद्यार्थी पास वर फरकाची तिकिट देऊन निमआराम बसमध्ये प्रवास करता येत नाही._

➡   *Y - T  (JAIL WARRANT)*

     हे Function "Y-F Police warrant" प्रमाणेच वापरण्यात येते. शासकीय कामानिमित्त जेल कर्मचाऱ्यांच्या या वारंट वर नगदी रक्कम न देता प्रवास करण्याची मुभा असते.

▪ कृती :- *Y + T + Doc no.* (म्हणजे वारंट वरील वरच्या बाजूला असलेला ६-७ आकडी अनुक्रमांक) *+ Enter + प्रवासी संख्या + Enter +* प्रवास समाप्त हैणाऱ्या ठिकाणचा *स्टेज नंबर + Enter..*

➡  *Y- V*

    _संपुर्ण तिकिट विक्री ची एकुण  रक्कम या Function मध्ये बघता येते._

▪कृती :- *Y + V*

➡  *Y - W  (GROUP TICKET)*

       बसमध्ये एकापेक्षा अधिक वेगवेगळ्या सवलतीचे (जसे फुल, लहान मुलांची हाफ, जेष्ठनागरिक, अंध-अपंग) प्रवासी एका गटात प्रवास करत असेल तर सर्व मिळुन एकाच तिकिटात सर्वांची तिकिट काढुन देऊ शकतो. त्यामुळे वेगवेगळ्या तिकिट चा हिशोब न करता सर्वाच्या प्रवास भाड्याची एकुण रक्कम तिकिट वर येते. व तिकिट ला वापरण्यात येणाऱ्या कागदाची (Roll) बचत होते.

▪कृती :- *Y + W* ( Group mode सुरु होईल. नंतर आपण ज्याप्रमाणे साधारण बुकिंग करतो त्याचप्रमाणे क्रमाने बुकिंग करावी व सर्व तिकिटांची नोंद झाल्यावर डबल Enter बटण दाबावे. सर्व तिकिट मिळुन एकच प्रिंट बाहेर येईल...

      *_अधिक माहितीकरिता अथवा वरिल माहिती समजण्यात कुठे अडचण आली असेल अथवा समजाविण्यात मी कमी पडलो असेल  तसेच कुठे चुकलो झाली असेल तर निश्र्चितच संपर्क करा.._*

✒ *सचिन गिरी, यवतमाळ*
       (वाहक) मो. *9921386644*

🙏🙏🙏🙏🙏🙏🙏🙏🙏

लायसन्ससाठी शहरातील आरटीओ ऑफिसमध्ये ऑनलाइन अर्ज

   गाडी चालवण्यासाठी चालकांचे लायसन्स असणे कायद्याने बंधनकारक आहे. मात्र हेच लायसन्स काढण्यासाठी पूर्ण करावी लागणारी सरकारी यंत्रणा पाहिली तर अक्षरशः डोक्याला तापच असतो. यामुळे अनेक चालक याकडे दुर्लक्ष करत असतात. अशा चालकांसाठी एक आनंदाची बातमी आहे. केंद्र सरकारकडून सुरू करण्यात आलेल्या योजनेनुसार आता हे लायसन्स घरीच मिळवता येणार आहे. केवळ 350 रुपयांत हे लायसन्स मिळवता येणार आहे.अर्ज केंद्र सरकारकडून सुरू करण्यात आलेल्या या योजनेनुसार चालकाला आपल्या घरीच बसून लायसन्स काढता येणार आहे. या बाबतची प्रक्रिया पुढीलप्राणे आहे.
 
असा दाखल करा आपल्या लायसन्ससाठी शहरातील आरटीओ ऑफिसमध्ये ऑनलाइन अर्ज दाखल करा. हे करण्यासाठी आपणास पहिल्यांदा https://parivahan.gov.in/ या साईटवर लॉग इन करावे लागेल. यानंतर या साईटवर गेल्यानंतर आपल्याला ड्रायव्हिंग लायसन्स विभागाला क्लिक करावे लागेल. तर नंतर सर्व प्रक्रियानुसार आपल्याला हा अर्ज भरता येणार आहे.ड्रायव्हिंग लायसन्स काढण्यासाठी दलालाकडून मनमानी रक्कम आकारली जाते. लायसन्स लवकरात लवकर मिळण्यासाठी आपण देखील ही रक्कम देऊन टाकतो. मात्र या योजनेमुळे आपणास केवळ 350 रुपये शुल्क मोजावे लागणार आहे. हे शुल्क ऑनलाइन भरल्यानंतर आपल्या मोबाइलवर एक संदेश (मेसेज) येईल. यामध्ये आपल्याला ड्रायव्हिंग टेस्ट देण्याची तारीख, ठिकाण, आणि वेळ देखील समजेल. या सर्व प्रक्रियानंतर 15 दिवसात आपल्या पत्त्यावर हे ड्रायव्हिंग लायसन्स मिळेल.

रजे विषयी महत्त्वाची माहिती

🚌

  *_आपल्या कर्मचार्यांच्या माहितीसाठी रजेविषयी काही महत्वाची माहिती शेअर करीत आहे. आपल्याला या माहितीचा भविष्यात निश्चित फायदा होईल_*


📌 *रजा कार्यपद्धती (Leave Procedure)*

*अ)* प्रमुख यांत्रिकांच्या श्रेणीखालील सर्व कार्यशाळा कर्मचारीवर्ग, सर्व वाहतुक कर्मचारी वर्ग, चालक/वाहक/मदतनीस/इशाकार/सहाय्यक वाहतूक निरिक्षकांच्या श्रेणीखालील, पर्यवेक्षकीय कर्मचारी म्हणजेच *कारखाने अधिनियम १९४८* नुसार नियंत्रित होणारे कर्मचारी वगळता महामंडळातील सर्व उर्वरीत कर्मचार्यांना *मुंबई राज्य परिवहन सेवेसंबंधी नियमामध्ये* केलेल्या तरतुदीनुसार रजा देण्यात येते. सदर सेवा विनिमयातील रजेबाबतच्या तरतुदी राज्य शासनाच्या नियमाच्या धरतीवर आधारीत असून त्या महामंडळाच्या कर्मचार्यांना लागू आहेत.
  समयवेतन श्रेणीवर घेतल्या नंतर १२ दिवसाला १ दिवस याप्रमाणे दर वर्षाला ३० दिवस रजा मिळते व जास्तीत जास्त ३०० दिवस रजा साठविता येते. *सदर वर्गात शिपाई/कारकून/नाईक/कनिष्ठ सहाय्यक/सहाय्यक वाहतूक निरिक्षक/वाहतूक निरिक्षक/सहा.वाह.अधिक्षक/प्रमुख कारागिर/सहाय्यक कार्यशाळा अधिक्षक/आस्थापना पर्यवेक्षक व इतर हे कर्मचारी मोडतात.*

*ब)* *चालक/वाहक/मदतनीस/इशाकार/प्रमुख यांत्रिकांच्या श्रेणीखालील सर्व कार्यशाळा कर्मचारी, सहाय्यक वाहतूक निरिक्षकांच्या श्रेणीखालील सर्व पर्यवेक्षकीय कर्मचारी यांना खालील प्रमाणे रजा देण्यात येतात:-*
    या सर्व कर्मचार्यांना ९ दिवसाला १ दिवस याप्रमाणे कॅलेंडर वर्षाला एकुण ४० दिवस रजा मिळते. यापैकी निम्मी रजा कामगारांनी दरवर्षी मंदिच्या मिसमात घेणे बंधनकारक आहे. उरलेली रजा त्यास पसंतीनुसार उपभोगता येते.
      तसेच आजारीपणात ४० सिवसापैकी १० दिवस पुर्ण पगारी रजे ऐवजी २० दिवसांची अर्ध पगारी रजा बदलून घेण्याची कामगारांना मोकळीक आहे. तथापी ही देवाणघेवाण एकाच हप्त्यात करणे आवश्यक आहे. मात्र रजेचा कालावधी या कालावधीत येणार्या कोणत्याही सुट्टीच्या दिवसासह सलग असतो.(संदर्भ: कामगार करार १९९६-२०००)

*√कामगार करार १९९६-२००० मधील रजेबाबत खास तरतुद-*

  *नाकारलेल्या रजेचे रोखीकरण-*  जर कर्मचार्याने सरासरी वेतनावरील रजेसाठी अर्ज केला व अशी *रजा प्रशासनाने कोणत्याही कारणासाठी नाकारली* आणि अश्या नाकारण्याचा परिणाम त्याच्या खाती विहीत मर्यादेपलिकडे रजा साठविल्यामुळे ती वाया गेली तर अशा कर्मचार्याला व्यपगत रजेच्या कालावधीसाठी सरासरी वेतन देण्यात येते.

📌 *पगारी सुट्ट्या ( Paid Holidays)*

  ज्या कॅलेंडर महिण्यात साप्ताहिक सुट्ट्याव पगारी सुट्ट्या मिळालेल्या नसतील, तो महिना संपल्या नंतरच्या दोन महिण्यात भरपाई सुट्ट्या देण्यात येतात. नाहितर ज्या ज्या महिण्यात मिळालेल्या नसतील तो महिना संपल्यानंतर तिसर्या महिण्यामध्ये कर्मचारी त्याच्या पसंतीप्रमाणे त्या घेण्यास स्वतंत्र रहातो.
   पगारी सुट्ट्या त्या त्या कर्मचार्याला वर निर्देशित केल्याप्रमाणे दिल्या पाहिजेत. परंतु अश्या सुट्ट्या व्यवस्थापन देऊ शकले नाही तर ते कॅलेंडर वर्ष संपेपर्यंत देण्याचा प्रयत्न केला जातो. पण व्यवस्थापन कॅलेंडर वर्ष संपेपर्यंत सुट्ट्या देऊ शकले नाही तर अशा रद्द झालेल्या पगारी सुट्ट्यांची भरपाई म्हणुन कर्मचार्यांच्या अर्जित रजेमध्ये रुपांतर करुन देण्यात येतात.
   *चालक/वाहक/यांत्रिक कर्मचारीवर्ग व कार्यशाळा, डेपो आणि मुद्रणालय* याठिकाणी काम करणारे सर्व कर्मचारी वर्षातून १० सुट्ट्यांचे हक्कदार असतात. या पैकी २ सुट्ट्या २६ जानेवारी व १५ ऑगस्ट या आहेत. उरलेल्या  सुट्ट्या कार्यसमिती निश्चित करते. जर एखादी पगारी सुट्टी कर्मचार्यांच्या आठवडा सुट्टीच्या दिवशी येत असेल तर अशा कर्मचार्यांना अतिरिक्त भरपाई सुट्टी देण्यात येते.

  *शॉप ॲण्ड एस्टॅब्लिशमेंट ॲक्ट खाली मोडणारे कर्मचारी म्हणजे शिपाई/कारकून/नाईक/कनिष्ठ सहाय्यक/सहाय्यक वाहतुक निरिक्षक/सहाय्यक वाहतुक अधिक्षक/सहाय्यक कार्यशाळा अधिक्षक/आस्थापना पर्यवेक्षक/कार्यालयीन अधिक्षक इ.* यांना राज्य शासनाच्या निर्णयाप्रमाणे प्रतिवर्षी सार्वजनिक सुट्ट्या जाहिर केल्याप्रमाणे मिळतात. तसेच प्रतिवर्षी आठ नैमित्तिक रजा मिळतात.
  रोजंदार/तात्पुरत्या वेतन श्रेणीवरील कर्मचार्यांना कामगिरीच्या १२ दिवसाला १ दिवस याप्रमाणे पगारी रजा मिळते.
 
✍  *संकलन- नितिन बागले, चोपडा आगार*

🙏🙏🙏🙏