महिलांच्या वेशात तृतीयपंथीयांचा प्रवास – वाहकांसाठी गंभीर अडचण!

🟩 महिलांच्या वेशात तृतीयपंथीयांचा प्रवास – वाहकांसाठी गंभीर अडचण!

महिला प्रवाशांसाठी ५०% सवलत ही योजना १७ मार्च २०२१ पासून लागू करण्यात आली. या योजनेचा हेतू स्त्रीसन्मान व आर्थिक सहाय्य हा आहे, याबाबत दुमत नाही. मात्र, या योजनेच्या अंमलबजावणीवेळी तृतीयपंथीय प्रवाशांबाबत निर्माण होणाऱ्या समस्यांकडे दुर्लक्ष झालेले दिसते.

मुख्य अडचण काय?

बसमध्ये अनेक वेळा तृतीयपंथीय प्रवासी महिला वेशात प्रवास करतात. त्यावेळी वाहकासमोर त्यांची खरी ओळख ठरवणे कठीण असते. अशा प्रसंगी प्रवासी सवलतीचा लाभ घेण्यासाठी "मी महिला आहे" असा आग्रह धरतात, परंतु वाहकांना याबाबत अधिकृत मार्गदर्शन किंवा शासकीय आदेश उपलब्ध नसल्यामुळे वाद निर्माण होतो.

खरी ओळख लपवून सवलत घेणे हा गैरप्रकार आहे, हे स्पष्ट असले तरी तृतीयपंथीय प्रवाशांसाठी सवलत नसल्यामुळे ते महिला म्हणून प्रवास करण्याचा प्रयत्न करतात. यामुळे वाहक, तिकीट तपासनीस आणि संबंधित कर्मचाऱ्यांची अडचण वाढते.

🛑 प्रश्न असा आहे की:

➡️ जर महिला वेशातील तृतीयपंथीय व्यक्तीने महिला म्हणून सवलत घेतली, आणि ती नंतर उघड झाली तर दोष कोणाचा?

➡️ बसमधील शांतता, इज्जत आणि कायदा व्यवस्था बिघडत असल्यास जबाबदार कोण?

➡️ तृतीयपंथीय वर्गाचा अपमान न करता नियमांची अंमलबजावणी कशी करावी?

यावर उपाय काय?

1. महिला सवलत योजना ही फक्त जैविक महिला यांच्यासाठी मर्यादित आहे की नाही याबाबत स्पष्ट आणि सार्वजनिक आदेश निघावेत, परिपत्रकीय सूचना देण्यात याव्यात.

2. तृतीयपंथीय व्यक्तींना स्वतंत्र प्रवास सवलत योजना किंवा सवलत पास उपलब्ध करून देण्याची गरज आहे.

3. प्रवाशांसाठीही माहिती फलक लावावेत जेणेकरून चुकीच्या अपेक्षा आणि वाद टाळता येतील.

🟦 तृतीयपंथीय समाजाचाही सन्मान राखत, महिला सवलतीचा गैरवापर टाळणं हे शासन आणि महामंडळाचे कर्तव्य आहे.