अधिकारी/कर्मचारी यांची कर्तव्ये व जबाबदा-या

अधिकारी/कर्मचारी यांची कर्तव्ये व जबाबदा-या✳

✳व्यवस्थापकीय संचालक:-

👉महामंडळाच्या घटनापत्रकातील नियम क्र. ७८ नुसार राज्यपाल हे संचालकापैकी एकास महामंडळाच्या कामकाजाच्या व्यवस्थापनासाठी, व्यवस्थापकीय संचालक म्हणून नियुक्त करतील, आणि व्यवस्थापकीय संचालक हे महामंडळाच्या संचालक मंडळाच्या अधिपत्याखाली आणि देखरेखीखाली काम करतील. वरीलप्रमाणे नियुक्त केलेल्या व्यवस्थापकीय संचालकांना सर्व/कोणतेही कार्ये पार पाडण्यासाठी संचालक मंडळ अधिकार प्रदान करतील.

✳वित्तीय सल्लागार व प्रमुख लेखाधिकारी:-✳

👉कर्तव्ये:-

मुख्यालयातील देयकांची अदायगी होणेपूर्वी त्या सर्व देयकांची छाननी करणे .
प्रक्षेत्रावरील कॅश बुकाची तपासणी करणे.
बँकेच्या सर्व व्यवहारावर नियंत्रण ठेवणे.
मुख्यालयातील तसेच प्रक्षेत्रावरील सर्व कर्मचारी /अधिकारी यांच्या वेतनाची वेळोवेळी अदायगी करणेची व्यवस्था करणे.
महामंडळाच्या लेख्याचे वर्षाअखेरीस अंतिमीकरण करणे.
अंतर्गत लेखा परिक्षक, संवैधानिक लेखापरिक्षक आणि महालेखापाल (वाणिज्यक) यांचेकडील लेखा परिक्षकांनी उपस्थित केलेल्या लेखा शंकाचे निराकरण करणे.
प्रत्येक वर्षाचे अर्थसंकल्पाचे अंदाजपत्रक /सुधारीत अंदाजपत्रक तयार करणे.
प्रत्येक वर्षाचे भांडवली अर्थसंकल्पाचे अंदाजपत्रक तयार करणे.
सहाय्यक अनुदानाचा प्रस्ताव शासनास सादर करणेसाठी तयार करणे.
प्रतिनियुक्तीवर असलेल्या शासकीय कर्मचारी / अधिका-यांचे रजा वेतन व सेवानिवृत्ती वेतनाचे अंशदानाचा भरणा करणे.
आयकर विषयक सर्व कामे, उदा. आयकर विवरणपत्र तयार करुन आयकर विभागाकडे दाखल करणे.

✳व्यवस्थापकीय संचालकांनी इतर सोपविलेली कामे.✳
👉जबाबदा-या:-

महामंडळाचे वित्तिय सल्लागार व प्रमुख लेखाअधिकारी हे महामंडळाचे सर्व आर्थिक व्यवहार, सुरळीत चालू राहणे, तसेच उत्पादन साधनावर योग्य प्रकारे नियंत्रण ठेवणेस जबाबदा-या असतील.
वित्तीय नियम व कार्यपध्दतीचा अवलंब करुन महामंडळासाठी लागणारे साहित्य व सामान खरेदीची तपासणी करणेस जबाबदार असतील.
महामंडळे वार्षीक लेखे बिनचूक तयार करुन ते विहित वेळेत संचालक मंडळासमोर सादर करण्यास जबाबदार असतील.
महामंडळाचे रोखापाल व लेखाविभागात काम करणा-या कर्मचा-यावर दैनंदिन पर्यवेक्षकीय नियंत्रण ठेवण्यास जबाबदार राहतील.
मुख्यालयातील सर्व बिले /व्हावचर्स यांची अदायगी करण्यापूर्वी त्यांची सर्व तपासणी करण्याची जबाबदारी आणि अवैध देयकांची अदायगी टाळणेची जबाबदारी त्यांचेवर असेल.
महामंडळाचे सर्व वाहनांचे लॉग बुकाची तपासणी करतील आणि ते नियमानुसार ठेवले असल्याची खात्री करण्याची जबाबदारी असणे.
महामंडळाच्या दैनंदिन कारभारात व्यवस्थापकीय संचालकांनी सोपविलेली इतर जबाबदारी पार पाडणे.

✳प्रशासकीय अधिकारी:-
👉कर्तव्ये:-
महामंडळाचे सर्व कर्मचारी नियमितपणे वेळेत कामावर येतात आणि जातात याची पाहणी करणे.
नियुक्तीचे आदेश काढणे आणि पुर्वी केलेल्या नियुक्या नियमित करुन घेणे.
महामंडळाच्या सर्व कर्मचा-यांची प्रक्षेत्रावरील सर्व कर्मचा-यासह सेवापुस्तके ठेवणे.
अधिकारी /कर्मचा-यांच्या वेतनवाढी विनियमित करणे आणि त्या वेतनवाढीवर आदेश देय दिनांकास निर्गमित करणे.
अधिकारी /कर्मचा-यांची रजा प्रकरणे नियमित करणे व तसे मंजुरी आदेश निर्गमित करणे.
कर्मचारी / अधिका-यांच्या प्रत्येक संवर्गाची ज्येष्ठता यादी तयार करणे व त्यांच्या पदोन्नतीबाबत कार्यवाही करणे.
मुख्यालयातील योग्य ती सेवा साहित्य पुरविण्याचे प्रस्ताव तयार करणे आणि प्रक्षेत्र व्यवस्थापकाकडुन आलेल्या प्रस्तावाची तपासणी करणे.
प्रक्षेत्रावरुन आलेल्या मासिक प्रगती अहवालाचे एकत्रीकरण करुन ते आद्ययावत करणे.
स्टेशनरी व जड वस्तु खरेदीची नोंदवही ठेवणे व त्यांची वार्षिक तपासणी करणे.
अतिकालिक भत्त्याची बिलांची तपासणी करणे व अदायगीसाठी सादर करणे.
बाहेरुन आलेली पत्रे व मुख्यालयातुन जाणारी पत्रे यावर नियंत्रण ठेवणे.
सर्व वाहनांचा विमा, रोड टॅक्स, परमिट इत्यादीची अदायगी वेळेत करुन घेणे.तसेच दुरुस्तीविषयक सर्व कामे पाहणे.
वर्ग-३ व वर्ग-४ कर्मचा-यांचे गणवेशाचे प्रस्ताव तयार करणे.

✳व्यवस्थापकीय संचालकांनी सोपविलेली इतर कामे.
👉जबाबदा-या :-

दैनंदिन कामकाज सुरळीत व सक्षमपणे चालविणे.
जनतेकडून तसेच कर्मचा-याकडून आलेल्या तक्रारीचा अभ्यास करणे व त्यावर योग्य तोडगा काढून तो व्यवस्थापकीय संचालकांना सादर करणे.
महामंडळाची सर्व वाहने चालू स्थितीत ठेवणे .
सर्व कर्मचा-यांच्या रजा, वेतनवाढी , इतर क्लेमस , प्रकरणे निकालात काढणे.
संचालक मंडळ , भागधारक किंवा इतर सर्व सभांचे रेकॉर्ड , नोंदवह्या ठेवणे आणि सर्व सभा सुरळीतपणे पार पाडण्याची जबाबदारी त्यांचेवर असेल.

✳व्यवस्थापकीय संचालकांनी इतर सोपविलेल्या इतर जबाबदा-या पार पाडणे.
प्रक्षेत्र व्यवस्थापक :-
👉कर्तव्ये:-
प्रक्षेत्राचा संपूर्ण दैनंदिन कारभार पाहणे प्रशासकीय कामकाज पाहणे, प्रक्षेत्राचा विकासात्मक कार्यक्रम आर्थिक व्यवहार यावर नियंत्रण ठेवणे.
प्रक्षेत्रावरील सर्व आर्थिक व्यवहाराच्या नोंदवह्या अद्ययावत ठेवणे.
प्रक्षेत्रावरील दैनंदिन खरेदी , विक्री, पशुधनविषयक सर्व नोंदवह्या ठेवणे, व त्या अद्ययावत ठेवणे.
खाद्य , वैरण , नोंदवह्या ठेवणे व त्या अद्ययावत ठेवणे.
वर्ष संपल्याबरोबर त्वरीत वार्षिक लेखे मुख्यालयास सादर करणे.
प्रक्षेत्राच्या लेख्याची दरमहा तेरीजपत्रके मुख्यालयास सादर करणे.
त्यांच्या अधिनस्त असलेल्या कर्मचा-यांच्या रजा,वेतनवाढी मंजुरीचे आदेश निर्गमित करणे.
अधिनस्त कार्यरत कर्मचा-यांचे वेतन व भत्ते वेळच्यावेळी अदा करणे.
प्रक्षेत्राच्या मासिक खर्चाचे प्रस्ताव तयार करुन ते मुख्यालयास सादर करणे.
लागवडीखालील जमिनीवर पिके घेणेसाठी पिकसंकल्प मुख्यालयास सादर करणे.
प्रक्षेत्रावरील प्रत्येक पिकांची मशागत, नोंदवही (Cultivation Register) ठेवणे, त्यामध्ये उत्पादन , विल्हेवाट, व प्रक्षेत्रावरील धान्य दरमहा नोंदी ठेवण्यात याव्यात.
प्रक्षेत्रावरील बँकेचे सर्व व्यवहार वित्तीय नियमानुसार करणे.

✳व्यवस्थापकीय संचालकांनी सोपविलेली इतर कर्तव्ये .
👉जबाबदा-या:-

प्रक्षेत्रावरील सर्व साधनाचा पुरेपुर वापर करुन, जेणेकरुन महामंडळाची प्रगती होईल, हे पाहण्याची जबाबदारी त्यांचेवर असेल.
प्रक्षेत्रावरील सर्व योजना सुरळीतपणे कार्यान्वित ठेवण्याची प्रक्षेत्राचा प्रमुख म्हणुन जबाबदारी त्यांचेवर राहील.
प्रक्षेत्रावरील सर्व बाबींचे कर, टॅक्सेस, भाडे इ.वेळच्यावेळी संबंधीतांना अदा करण्याची जबाबदारी असेल.
अधिपत्याखालील कर्मचारी किंवा जनतेकडून सर्व तक्रारीचे तपास घेऊन त्याचा विनाविलंब निपटारा करण्याची जबाबदारी असेल.
प्रक्षेत्रावरील सर्व कर्मचारी / कामगार यांना दररोज पुरेसे कामकाज दिलेले आहे याची तपासणी करणे.
आर्थिक वर्ष संपल्याबरोबर त्वरीत प्रक्षेत्राचा वार्षिक अहवाल / लेखा मुख्यालयास सादर करण्याची जबाबदारी असेल.
अधिनस्त कर्मचा-यांकडून केल्या जाणा-या सर्व आर्थिक / वित्तीय व्यवहारावर योग्य ती दक्षता / नियंत्रण ठेवणेची प्रक्षेत्र व्यवस्थापकांची जबाबदारी असेल.
🚌🚌🚌🚌